Sud Norvegiyaga kelish niyatida bo‘lgan Edvard Snoudenning da’vosini qabul qilmadi

Oslo sudi AQSh maxfiy xizmati sobiq xodimi Edvard Snoudenning Norvegiya rasmiylariga nisbatan da’vosini ko‘rib chiqishdan bosh tortdi. Bu haqda “TASS” xabar bermoqda.

Rossiyada vaqtincha boshpana olgan Snouden mahalliy PEN-klubning so‘z erkinligiga qo‘shilgan hissa uchun beriladigan mukofotini shaxsan olish imkoniyatiga ega bo‘lish niyatida Oslo sudiga aprelda da’vo kiritgandi. U va yana to‘rt mahalliy jurnalistlar tashkiloti Norvegiya rasmiylaridan Snouden noyabrda mamlakatga mukofot olish uchun kelganida AQShga ekstraditsiya qilinmasligi kafolatlanishiga erishishni maqsad qilgan.

“Edvard Snouden apellyatsiya berish niyatida. ‘Skyedt’ advokatlik firmasi xodimlari bu bilan shug‘ullanadi. Qabul qilingan qarorga qo‘shilmaymiz va uni yuqori sudda ko‘rib chiqilishiga erishamiz”, — deya ta’kidlagan advokat Emanuel Faynberg.