Turkiya prokuraturasi Rossiyaning urib tushirilgan Su-24 samolyoti uchuvchisi Oleg Peshkovning o‘ldirilishida gumon qilinayotgan Alparslon Chelikka nisbatan jinoiy ishni qayta tikladi. Bu haqda Reuters agentligiga o‘zini oshkor etmagan turkiyalik mansabdor ma’lum qildi, deya xabar beradi “RBK”.
Hurriyet nashriga ko‘ra, Turkiya tomonidan qo‘llab-quvvatlanadigan turkmanlar safida Suriyada hukumat kuchlariga qarshi jang olib borgan Alparslon Chelik Izmir viloyati qamoqxonasidan ozod etildi, biroq unga mamlakatni tark etish taqiqlangan.
Oldinroq Turkiya prezidenti Rajab Toyyib Erdo‘g‘on rossiyalik hamkasbi Vladimir Putinga yo‘llagan maktubida “Nomi rossiyalik uchuvchi o‘limi bilan bog‘lanayotgan Turkiya fuqarosiga nisbatan tekshiruv olib borilayotgani” haqida ma’lum qilgandi.
Izoh (0)