Осло суди АҚШ махфий хизмати собиқ ходими Эдвард Сноуденнинг Норвегия расмийларига нисбатан даъвосини кўриб чиқишдан бош тортди. Бу ҳақда «ТАСС» хабар бермоқда.
Россияда вақтинча бошпана олган Сноуден маҳаллий ПЕН-клубнинг сўз эркинлигига қўшилган ҳисса учун бериладиган мукофотини шахсан олиш имкониятига эга бўлиш ниятида Осло судига апрелда даъво киритганди. У ва яна тўрт маҳаллий журналистлар ташкилоти Норвегия расмийларидан Сноуден ноябрда мамлакатга мукофот олиш учун келганида АҚШга экстрадиция қилинмаслиги кафолатланишига эришишни мақсад қилган.
«Эдвард Сноуден апелляция бериш ниятида. ‘Скьедт’ адвокатлик фирмаси ходимлари бу билан шуғулланади. Қабул қилинган қарорга қўшилмаймиз ва уни юқори судда кўриб чиқилишига эришамиз», — дея таъкидлаган адвокат Эмануэль Файнберг.
Изоҳ (0)