Turkiya va Isroil vakillari Rimda ikki mamlakat o‘rtasidagi munosabatlarni yo‘lga qo‘yish masalalarini muhokama qildi va kelishuvga erishdi. Bu haqda “TASS” xabar bermoqda.
NTV telekanalining Isroil delegatsiyasidagi manbasiga ko‘ra, kelishuv “Moviy Marmara” paromi qo‘lga olinishida halok bo‘lganlarga tovon to‘lanishi va G‘azo sektori qamali yengillashuviga taalluqli bo‘lgan. Jumladan, tomonlar “Moviy Marmara” qurbonlari yaqinlari va paromda jarohat olganlarga jami 20 million dollar tovon to‘lanishi, Turkiya tomonidan G‘azoda elektr stansiyasi va suvni tozalash inshootlari qurilishi haqida kelishib olgan.
Anqaraning uchinchi sharti — parom qo‘lga olingani uchun rasmiy kechirim so‘rash oldinroq Isroil bosh vaziri Binyamin Netanyaxu tomonidan bajarilgani bildirilmoqda.
Izoh (0)