Пентагон Россияга нисбатан «тийиб туриш» стратегиясини давом эттиради. АҚШ мудофаа вазири Эштон Картер Вашингтондаги хавфсизлик масалалари бўйича анжуманда буни тасдиқлади, дея хабар беради «ТАСС».
«‘Совуқ уруш’ якунланганидан бери ҳамкорликда эришилган муносабатлардаги тараққиётга қарамай, Россия кейинги йилларда Украина, Грузия ва Молдова ҳудудий яхлитлигини бузиши, ҳаво, коинот ва киберкенгликда ўзини профессионалларга хос бўлмаган тарзда тутиши, ядро қуроли билан дағдаға қилиши туфайли биз, НАТО бўйича иттифоқдошларимиз, халқаро ҳамжамият ва Россиянинг ўзига яхшигина хизмат қилиб келган халқаро тартиб тамойилларини бузишга аҳд қилган кўринади», — дея таъкидлаган Картер.
Вазирнинг билдиришича, АҚШ ва НАТО Россия чегаралари яқинидаги иштирокини бундан кейин ҳам кучайтиришда давом этади.
«Имкониятларимиз, марраларимиз, инвестициялар, режалар, дўстларимиз ва иттифоқдошларимизни кучайтирамиз. Шу билан бирга, манфаатларимиз тўқнаш келган нуқталарда Россия билан ҳамкорликда ишлаш учун эшикларимиз доимо очиқ бўлади», — дея изоҳ берган Пентагон раҳбари.
Изоҳ (0)