Доғистоннинг Дербент туманидаги махсус операция чоғида «жанубий» деб аталувчи жиноий гуруҳ бошлиғи деб гумон қилинаётган жангари ўлдирилди, деб ёзади «РИА Новости» республика ҳуқуқ-тартибот органларидаги манбасига таяниб.
«Ҳарбийлар туманни тундаёқ қуршаб олган эди. Эрталабдан жанговар ҳаракатлар чоғида жангари йўқ қилинди. Дастлабки маълумотларга кўра, у ‘жанубий’ деб аталувчи босқинчилар гуруҳининг Абу Ясир лақабли бошлиғи Гасан Абдулаев», — деди агентлик суҳбатдоши.
Дербент туманидаги Йўл ҳаракати хавфсизлиги давлат инспекциясининг Жемикент постида 15 февраль куни эрталаб полициячилар шубҳали автомобилни текшираётган вақтида портлаш юз берган, натижада икки автоинспектор ҳалок бўлиб, 18 киши яраланган эди.
Доғистоннинг Дербент туманида контртеррорчилик операцияси режими жорий йилнинг февраль ойидан буён амал қилади.
Изоҳ (0)