British Petroleum 2010-yilda Meksika bo‘g‘oziga neft quyilishidan so‘ng investorlarda paydo bo‘lgan shikoyatlarni bartaraf etish uchun 175 million dollar to‘lashga rozi bo‘ldi. Bu haqda “RBK” xabar bermoqda.
Investorlarning shikoyati ular BP tilxatlarini platformadagi portlashdan keyin xarid qilgani bilan bog‘liq. O‘sha paytda neft quyilishining haqiqiy hajmlari ma’lum bo‘lmagan. Kompaniya vakillari investorlarni adashtirgan va bo‘g‘ozdagi neft sizishi ko‘lamlari haqida yolg‘on ma’lumot bergan.
Ma’lumot uchun, 2010-yil aprelida Meksika bo‘g‘ozidagi Deepwater Horizon neft platformasida portlash yuz bergan va buning oqibatida neft sizishi sodir bo‘lgan. Portlashda 11 kishi halok bo‘lgan. Bo‘g‘oz suvlariga 3,2 — 4,9 million barrel neft oqib ketgan. Kompaniya iyul oyidagina neft sizishini to‘xtatishga muvaffaq bo‘lgan.
Eslatib o‘tamiz, joriy yilning aprel oyida AQSh sudi British Petroleum 2010-yilda Meksika ko‘rfazida to‘kilgan neft uchun zararni qoplash maqsadida beshta shtatga 18,7 milliard dollar to‘lab berishi haqidagi kelishuvni tasdiqlagan edi.
Izoh (0)