2-iyunning e’tiborga molik yangiliklari — “Daryo”ning kechki dayjestida.
1. Termizda havo haroratining issiqligi bo‘yicha 1970-yilgi rekord takrorlandi. Ertaga hech qanday rekordlar qayd etilmasa — mamlakat bo‘ylab kuchli shamol va qisqa muddatli yog‘ingarchilik kutilmoqda.
2. Germaniya parlamenti armanilar genotsidi haqida rezolyutsiya qabul qildi. Bundestag deputatlari 1915-yilda Usmonli saltanatida armanilarning deportatsiya qilinishini genotsid deb tan olish yuzasidan rezolyutsiya qabul qildi.
3. Yevropadagi suv toshqinlaridan fotoreportaj: Fransiya, Germaniya va Avstriyada o‘nlab shaharlar suv ostida qoldi. Tabiiy ofat natijasida qurbon bo‘lganlar bor.
4. Rossiyaliklar O‘zbekistonni o‘ziga do‘st, AQShni esa dushman mamlakat deb hisobladi. “Levada-sentr” kompaniyasi rossiyaliklarning boshqa davlatlarga nisbatan munosabatiga bag‘ishlab so‘rovnoma o‘tkazdi.
5. Bo‘zsuv anhoriga o‘smir bola cho‘kib ketdi. Toshkent kollejlaridan birida tahsil oluvchi 17 yoshli o‘smir 31-may kuni besh nafar do‘sti bilan “Shahidlar xotirasi” yodgorlik majmuasidagi anhorda cho‘milishga qaror qilgan.
Bu hali hammasi emas — “Daryo”da bugun o‘tkazilgan so‘rovnoma natijalariga ko‘ra, futbol bo‘yicha O‘zbekiston milliy terma jamoasi muxlislari Ekvatorial Gvineya bilan o‘yin uchun sotib olgan chiptalari pulini qaytarib olishga shoshilmayapti va Kanada bilan o‘yin ham bekor bo‘lishiga ko‘proq ishonadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)