10-iyun kuni Toshkentning Sirg‘ali tumani, Sputnik dahasidagi sobiq Usmon Nosir nomli istirohat bog‘i Green Park nomi ostida faoliyatini boshlaydi. Sakkiz yil davomida yopiq bo‘lgan bog‘ning barcha daraxt va ko‘chatlari saqlanib qolgani aytilmoqda, deya xabar beradi UZ24.
Bu yil bog‘ning Yevropada ishlab chiqarilgan 16 ta yangi attraksion o‘rnatilgan 4 gektardan oshiq maydondan iborat qismi ochiladi. Attraksionlarga kirish narxlari 1000 dan 4000 ming so‘mgacha bo‘lishi bildirilmoqda. Bog‘ning sun’iy havza joylashgan qismi obodonlashtirish ishlari davom ettirilayotgani sababli hozircha keluvchilarni qabul qilmaydi.
Tashrif buyuruvchilar uchun qulay bo‘lishi va xavfsizliklari ta’minlanishi uchun bog‘da maxsus kartalar yordamida to‘lovni amalga oshirish va videokuzatuv tizimlari o‘rnatiladi. Hozirda hududda ochilishdan avvalgi oxirgi tayyorgarlik ishlari olib borilmoqda.
Izoh (0)