Termizda havo haroratining issiqligi bo‘yicha 1970-yilgi rekord takrorlandi

Surxondaryo viloyati ma’muriy markazi hisoblangan Termiz shahrida 1-iyun, chorshanba kuni havo harorati +41,9 darajagacha isidi, deya xabar bermoqda “O‘zgidromet” markazi.

Ma’lumotlarga ko‘ra, Termiz shahrida 1-iyun tarixidagi eng yuqori harorat 1970-yilda kuzatilgan bo‘lib, o‘sha yilning 1-iyunida ham havo harorati +41,9 darajagacha ko‘tarilgan edi.

Eslatib o‘tamiz, 3-iyun, juma kuni Surxondaryo viloyatida havo harorati +32...+37 daraja issiq bo‘ladi, qisqa muddat yomg‘ir yog‘ishi, momaqaldiroq bo‘lishi, momaqaldiroq vaqtida shamolning tezligi kuchayishi mumkin.