Novosibirskda to‘xtatilgan trolleybus noma’lum sababga ko‘ra harakatga keldi va o‘z haydovchisini bosib qoldi. Bu haqda Rossiya IIVning viloyatdagi boshqarmasi matbuot xizmati ma’lum qildi, deb xabar beradi “Gazeta.ru”.
“Oxirgi bekatda haydovchi trolleybusni elektrdan uzgan. U g‘ildirak ostiga harakatni to‘xtatuvchi ‘boshmoq’ qo‘ygani haqida ma’lumot bor. Shunday bo‘lsa-da, trolleybus harakatga kelib, oldida turgan boshqa trolleybusga borib urilgan. Ikki mashina o‘rtasida turgan haydovchi qisilib qolgan va ko‘plab jarohatlar olishi oqibatida olamdan o‘tgan. Hodisa joyida politsiya hodimlari trolleybus harakatga kelishi sababini o‘rganmoqda”, — deyiladi matbuot xizmati xabarida.
Dastlabki ma’lumotlarga ko‘ra, fojiaga haydovchi tomonidan texnika xavfsizligi qoidalarining buzilishi sabab bo‘lgan.
Izoh (0)