Новосибирскда тўхтатилган троллейбус номаълум сабабга кўра ҳаракатга келди ва ўз ҳайдовчисини босиб қолди. Бу ҳақда Россия ИИВнинг вилоятдаги бошқармаси матбуот хизмати маълум қилди, деб хабар беради «Газета.ru».
«Охирги бекатда ҳайдовчи троллейбусни электрдан узган. У ғилдирак остига ҳаракатни тўхтатувчи ‘бошмоқ’ қўйгани ҳақида маълумот бор. Шундай бўлса-да, троллейбус ҳаракатга келиб, олдида турган бошқа троллейбусга бориб урилган. Икки машина ўртасида турган ҳайдовчи қисилиб қолган ва кўплаб жароҳатлар олиши оқибатида оламдан ўтган. Ҳодиса жойида полиция ҳодимлари троллейбус ҳаракатга келиши сабабини ўрганмоқда», — дейилади матбуот хизмати хабарида.
Дастлабки маълумотларга кўра, фожиага ҳайдовчи томонидан техника хавфсизлиги қоидаларининг бузилиши сабаб бўлган.
Изоҳ (0)