Germaniyalik rassom Peter Keyes Praga yaqinida o‘zboshimchalik bilan bosib olingan bir kvadrat metr maydonda Arkadiya davlatini tuzdi. Bu haqda Chexiyaning Blesk nashri ma’lum qildi.
“Men baxtli kishilar behalovat dunyodan tashqarida tabiat bilan uyg‘unlikda yashashi mumkin bo‘lgan joyni yaratishni istadim. Qadimgi Yunonistonda Arkadiya mukammal joy timsoli bo‘lgan. Qisqa qilib aytganda, men zamonaviy dunyodan mamnun emasman va yaxshiroq hayotga intilmoqdaman”, — deya aniqlik kiritdi Keyes.
Rassom Bratonitsa qishlog‘i tashqarisidagi bir kvadrat metr yerni to‘siq bilan ajratib qo‘ydi. Mahalliy hukumat ushbu harakatga qanday munosabat bildirish bo‘yicha qaror qabul qilganicha yo‘q.
Keyes Arkadiyani tashkil etganini 2006-yilda e’lon qilgan edi. O‘zini esa mustaqil davlatning elchisi deb e’lon qildi. O‘n yil ichida Keyes Polsha, Finlyandiya, Italiya, Avstriya, Shveysariyada bir kvadrat metrlik maydonlarni “zabt etib” mamlakat hududini kengaytirdi.
Izoh (0)