52 yoshli xitoylik mafiozi Chen Yuz o‘zining turmadan chiqqani sharafiga shunchalik dabdabali ziyofat uyushtirdiki, u tufayli yana politsiya tomonidan hibsga olindi, deb yozadi TJournal.
Yuz noqonuniy qimor o‘yinlarini tashkil qilgani uchun Xitoy shimolidagi Shansi provinsiyasida qattiq qo‘riqlanadigan qamoqxonada yetti yil o‘tirib chiqdi. Erkak axloq tuzatish muassasasi binosidan chiqqan vaqtda uni oltita Hummer, 20 ta Range Rover va 30 ta Mercedes avtomobillarida yuzdan ziyod kishilik delegatsiya kutib oldi.
Darhol Yuz sharafiga mushakbozlik uyushtirishdi, shundan so‘ng butun delegatsiya yaqin oradagi besh yulduzli mehmonxona banket zaliga borib, yanada ko‘proq odamlar ishtirokida hashamatli ziyofat o‘tkazdi.
Yuz turmadan chiqqanidan uch kun o‘tgach, uni bayram chog‘ida “jamoatchilik tartibini buzganlik uchun” qo‘lga olishdi, bu uning faoliyatini yana bir marta tekshirishga sabab bo‘ldi.
Izoh (0)