BMT Xavfsizlik Kengashi Shimoliy Koreya tomonidan amalga oshirilgan oxirgi raketa sinovlarini qoraladi. Bu haqda “Gazeta.ru” xabar bermoqda.
“BMT Xavfsizlik Kengashi a’zolari KXDRning ballistik raketalar bilan bog‘liq barcha harakatlari, jumladan, bir qancha muvaffaqiyatsiz sinovlarini ham qoralaydi, bu harakatlar Shimoliy Koreya tomonidan yadro qurolini eltish tizimlari ishlab chiqarishga qaratilgan urinishlarning bir qismi va ular keskinlikni kuchaytirishga olib keladi deb hisoblaydi”, — deyiladi kengash bayonotida.
Shuningdek, kengash bayonotida BMTga a’zo davlatlar KXDRga qarshi choralarni faol qo‘llash, xususan, bank sektoriga nisbatan sanksiyalar joriy etishga chaqirilgan.
Eslatib o‘tamiz, oldinroq Yaponiya, AQSh va Janubiy Koreya Pxenyanga nisbatan bosimni kuchaytirishga kelishib olgani haqida xabar berilgandi.
Izoh (0)