BMT bosh kotibi Pan Gi Mun G7 sammitida ishtirok etish uchun Yaponiyaga jo‘nab ketishdan avval Janubiy Koreyada chiqish qilar ekan, “yadro qurolini ishlab chiqishga qaratilgan urinishlariga qaramay”, Shimoliy Koreya bilan muzokaralarni tiklashga chaqirdi. Bu haqda “RIA Novosti” xabar bermoqda.
“Koreya yarim orolidagi ortib borayotgan keskinlik Shimoli-Sharqiy Osiyo va undan tashqarida ham ta’sir ko‘rsatishi mumkin. Oldinga siljishga qaratilgan harakatlarni qo‘llab-quvvatlayman va naf beradigan istalgan choraga BMT bosh kotibi sifatida hamda shaxsan hissa qo‘shishga tayyorman. Biz muloqotga qaytish yo‘lini topishimiz lozim. Ikki Koreya o‘rtasidagi yaxshi munosabatlar nafaqat yarim orol, balki butun mintaqa uchun zarur”, — deya ta’kidlagan Pan Gi Mun.
Pxenyan Seulga bir necha bor muzokaralarni tiklashni taklif etgan, biroq Janubiy Koreya ularni yadroviy qurolsizlanishga qaratilgan jiddiy maqsad namoyishi emas deb hisoblab, rad etib kelmoqda.
Izoh (0)