АҚШ раҳбарлигидаги коалиция кучлари Пальмира яқинига зарба берди, дея хабар қилади «РБК» АҚШ Қуролли кучлари марказий қўмондонлиги сайтига таяниб.
Аниқлик киритилишича, авиация ИШИДнинг тактик бўлинмасига бир марта зарба берган. Шунингдек, гуруҳга тегишли автомобиль йўқ қилинган.
Март охирида суриялик ҳарбийлар Россия авиацияси кўмагида Пальмирани ИШИД жангариларидан озод этган эди. Ҳозирда ушбу қадимий шаҳарда Қуролли кучлар халқаро минага қарши марказининг вақтинчалик лагери ташкил қилинган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)