Yevropa kengashi raisi Donald Tusk Yevroittifoq mamlakatlari yetakchilari Rossiyaga nisbatan sanksiyalar amal qilish muddatini uzaytirish haqida yaqin orada qaror qabul qilishini bildirdi. Bu haqda “Gazeta.ru” xabar bermoqda.
“Biz sanksiyalarni davom ettirishga tayyormiz. Bu borada ikki yoki uch hafta ichida, ortiqcha bahslarsiz bir qarorga kelishimizga ishonchim komil. Minsk kelishuvlari to‘liq bajarilmas ekan, YeI Rossiyaga nisbatan tutgan yo‘lini o‘zgartirmaydi, jumladan, iqtisodiy sanksiyalar ham o‘z kuchida qoladi”, — deya ta’kidlagan Tusk.
Yevroittifoqning Rossiyaga nisbatan amaldagi sanksiyalari muddati iyul oxirida yakuniga yetadi, ularni uzaytirish haqidagi qaror YeIning iyundagi sammitida ko‘rib chiqiladi.
Izoh (0)