БМТ бош котиби Пан Ги Мун G7 саммитида иштирок этиш учун Японияга жўнаб кетишдан аввал Жанубий Кореяда чиқиш қилар экан, «ядро қуролини ишлаб чиқишга қаратилган уринишларига қарамай», Шимолий Корея билан музокараларни тиклашга чақирди. Бу ҳақда «РИА Новости» хабар бермоқда.
«Корея ярим оролидаги ортиб бораётган кескинлик Шимоли-Шарқий Осиё ва ундан ташқарида ҳам таъсир кўрсатиши мумкин. Олдинга силжишга қаратилган ҳаракатларни қўллаб-қувватлайман ва наф берадиган исталган чорага БМТ бош котиби сифатида ҳамда шахсан ҳисса қўшишга тайёрман. Биз мулоқотга қайтиш йўлини топишимиз лозим. Икки Корея ўртасидаги яхши муносабатлар нафақат ярим орол, балки бутун минтақа учун зарур», — дея таъкидлаган Пан Ги Мун.
Пхеньян Сеулга бир неча бор музокараларни тиклашни таклиф этган, бироқ Жанубий Корея уларни ядровий қуролсизланишга қаратилган жиддий мақсад намойиши эмас деб ҳисоблаб, рад этиб келмоқда.
Изоҳ (0)