AQSh harbiylari Rossiya va Xitoy harbiy samolyotlarining mamlakat aviatsiyasi va flotiga nisbatan harakatlaridan tashvishda. Bu haqda AQSh Qurolli kuchlari harbiy-havo operatsiyalari qo‘mondoni Gerbert Karlayl ma’lum qildi, deya xabar beradi “RBK”.
“Bizni tiklanib borayotgan Rossiya va o‘ta tajovuzkor Xitoy xavotirga solmoqda. Ularning aviatsiyasi tomonidan xalqaro havo hududida AQSh harbiy samolyotlari tutib qolinishi xavfli ko‘rinish olmoqda”, — deya ta’kidlagan Karlayl.
USA Today nashriga ko‘ra, “Rossiya Sharqiy Yevropa va Tinch okeani, Xitoy esa Janubi-Xitoy dengizida o‘z ta’sir doirasini kengaytirish” niyatida.
“Ular bu hududlarda bo‘lmasligimizni istaydi, biz esa bunga yo‘l qo‘ya olmaymiz. Qonuniy asosda xalqaro havo va suv hududlarida ishlashni davom ettirishimiz zarur. Ular o‘zlarini tajovuzkorona va xavfli tutayotganiga jim qarab turmasligimiz kerak”, — deya ma’lum qilgan qo‘mondon.
Izoh (0)