АҚШ ҳарбийлари Россия ва Хитой ҳарбий самолётларининг мамлакат авиацияси ва флотига нисбатан ҳаракатларидан ташвишда. Бу ҳақда АҚШ Қуролли кучлари ҳарбий-ҳаво операциялари қўмондони Герберт Карлайл маълум қилди, дея хабар беради «РБК».
«Бизни тикланиб бораётган Россия ва ўта тажовузкор Хитой хавотирга солмоқда. Уларнинг авиацияси томонидан халқаро ҳаво ҳудудида АҚШ ҳарбий самолётлари тутиб қолиниши хавфли кўриниш олмоқда», — дея таъкидлаган Карлайл.
USA Today нашрига кўра, «Россия Шарқий Европа ва Тинч океани, Хитой эса Жануби-Хитой денгизида ўз таъсир доирасини кенгайтириш» ниятида.
«Улар бу ҳудудларда бўлмаслигимизни истайди, биз эса бунга йўл қўя олмаймиз. Қонуний асосда халқаро ҳаво ва сув ҳудудларида ишлашни давом эттиришимиз зарур. Улар ўзларини тажовузкорона ва хавфли тутаётганига жим қараб турмаслигимиз керак», — дея маълум қилган қўмондон.
Изоҳ (0)