Rossiya prezidenti Vladimir Putinga mamlakatni iqtisodiy rivojlantirishning ikki konsepsiyasi — budjet orqali rag‘batlantirish va oradan uch yil o‘tib iqtisodiy o‘sishga erishish uchun budjetni jamlash variantlari taklif etiladi. Davlat rahbari 25-may kuni iqtisodiy kengash prezidiumida ishtirok etadi, deya xabar beradi “Gazeta.ru”.
Putin tomonidan ushbu kengash ishchi guruhi rahbari etib tayinlangan Aleksey Kudrin birinchi variantga qarshi chiqish niyatida: sobiq moliya vaziri birinchi galda sud va huquq-tartibot tizimlari islohotini o‘tkazish zarur deb hisoblamoqda. Shuningdek, prezidium qatnashchilarining 2018-yilga kelib 4 % iqtisodiy o‘sishga erishish rejalarini ham ma’qullamagan. Buning uchun mamlakatda resurslar yo‘qligi, shu sababli yalpi ichki mahsulot barqaror ravishda hech bo‘lmasa 1 foizga o‘sishiga erishish zarurligini bildirgan.
Kudrinning muxoliflari — prezident yordamchisi Andrey Belousov va biznes-ombudsmen Boris Titov birinchi variant — budjet yordamida rag‘batlantirishni yoqlab chiqmoqda. Mazkur vaziyatda ekspertlar Kudrinda Putinni ishontirish uchun imkoniyat ko‘proq ekanligini ta’kidlamoqda.
Izoh (0)