Россия президенти Владимир Путинга мамлакатни иқтисодий ривожлантиришнинг икки концепцияси — бюджет орқали рағбатлантириш ва орадан уч йил ўтиб иқтисодий ўсишга эришиш учун бюджетни жамлаш вариантлари таклиф этилади. Давлат раҳбари 25 май куни иқтисодий кенгаш президиумида иштирок этади, дея хабар беради «Газета.ru».
Путин томонидан ушбу кенгаш ишчи гуруҳи раҳбари этиб тайинланган Алексей Кудрин биринчи вариантга қарши чиқиш ниятида: собиқ молия вазири биринчи галда суд ва ҳуқуқ-тартибот тизимлари ислоҳотини ўтказиш зарур деб ҳисобламоқда. Шунингдек, президиум қатнашчиларининг 2018 йилга келиб 4 % иқтисодий ўсишга эришиш режаларини ҳам маъқулламаган. Бунинг учун мамлакатда ресурслар йўқлиги, шу сабабли ялпи ички маҳсулот барқарор равишда ҳеч бўлмаса 1 фоизга ўсишига эришиш зарурлигини билдирган.
Кудриннинг мухолифлари — президент ёрдамчиси Андрей Белоусов ва бизнес-омбудсмен Борис Титов биринчи вариант — бюджет ёрдамида рағбатлантиришни ёқлаб чиқмоқда. Мазкур вазиятда экспертлар Кудринда Путинни ишонтириш учун имконият кўпроқ эканлигини таъкидламоқда.
Изоҳ (0)