Airbus kompaniyasi vakili Shtefan Shafrat kompaniya Misrga EgyptAir’ning A320 samolyoti halokati sabablarini o‘rganishda yordam berishni rejalashtirayotganini aytdi, deb yozadi “Kommersant”.
“Biz samolyotning topilgan bo‘laklarini tekshirishda yordam berish uchun Qohiraga texnik ekspertlarimizdan birini jo‘natdik”, — dedi kompaniya vakili. Uning so‘zlariga ko‘ra, Airbus, shuningdek, tegishli so‘rov olgan taqdirda, Misr hukumatiga “qora quti”ni rasshifrovka qilishda ham hamkorlik qiladi.
Parijdan Qohiraga uchayotgan samolyot Gretsiya havo hududiga kirgandan 20 daqiqa o‘tib, radarlardan g‘oyib bo‘ldi. MS804 reysi bortida 56 nafar yo‘lovchi (ulardan uch nafari bola) va o‘n nafar ekipaj a’zosi bor edi. Ularning taqdiri hozircha noma’lum.
“Mayadin” telekanali, EgyptAir aviakompaniyasidagi manbasiga tayanib, samolyot O‘rtayer dengiziga qulaganini bildirgandi.
Izoh (0)