AQSh maxsus xizmatlari bugun, 19-may kuni Gretsiya hududida halokatga uchragan, Misrning EgyptAir kompaniyasiga tegishli layner bortida terakt sodir etilganini istisno qilmayapti. Bu haqda, CBS radiosiga tayanib, “TASS” xabar bermoqda.
Aytilishicha, AQSh razvedkasi oxirgi 90 kunga daxldor mavjud axborotni tekshirmoqda, shuningdek, chet ellik hamkasblar bilan fojiani taftish etishning asosiy yo‘nalishlarini muhokama qilmoqda.
Prezident Barak Obama hukumat idoralariga fojia bilan bog‘liq ravishda Fransiya va Misrga tegishli yordam ko‘rsatish haqida ko‘rsatma berdi.
Ilgariroq ochiq dengizdan laynerga oid deb taxmin qilinayotgan ikkita bo‘lak topilganixabar qilingan edi.
Parijdan Qohiraga uchayotgan samolyot Gretsiya havo hududiga kirgandan 20 daqiqa o‘tib, radarlardan g‘oyib bo‘ldi. MS804 reysi bortida 56 nafar yo‘lovchi (ulardan uch nafari bola) va o‘n nafar ekipaj a’zosi bor edi. Ularning taqdiri hozircha noma’lum.
“Mayadin” telekanali, EgyptAir aviakompaniyasidagi manbasiga tayanib, samolyot O‘rta Yer dengiziga qulaganini bildirgandi.
Misr fuqarolik aviatsiyasi vazirligi EgyptAir kompaniyasining A320 samolyoti halokatga uchraganini rasman tasdiqladi.
Izoh (0)