Turkiya artilleriyasi va xalqaro koalitsiya aviatsiyasi 15-may, yakshanba kuni Suriya shimolida IShID jangarilari marralariga zarbalar berishi oqibatida 27 nafar jangari yo‘q qilindi. Bu haqda “TASS” xabar bermoqda.
Razvedka Aleppo mintaqasi shimolida IShIDning bir necha o‘t ochish nuqtalarini aniqladi va ularga turk artilleriyasi hamda yoppasiga o‘t ochish tizimlari tomonidan zarba berildi. Bu bilan bir paytda xalqaro koalitsiya uchta operatsiya o‘tkazdi va IShID nazorati ostidagi oltita tumanni bombardimon qildi. Natijada jangarilarning beshta mudofaa marrasi va ikkita o‘t ochish nuqtasi yo‘q qilindi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)