Urugvay terma jamoasi bosh murabbiyi Oskar Tabares joriy yilning 3–26-iyun kunlari AQShda o‘tkaziladigan Amerika Kubogi–2016 musobaqasi uchun milliy termaning 23 nafar futbolchidan iborat yakuniy ro‘yxatini e’lon qildi, deb xabar bermoqda “Stadion.uz”.
“Barselona” hujumchisi, La Liganing 2015/16-yilgi mavsumining eng yaxshi to‘purari bo‘lgan Luis Suares Urugvay terma jamoasining yakuniy tarkibiga kiritildi.
Quyida Amerika Kubogi–2016 musobaqasi uchun Urugvayning yakuniy tarkibidan joy olgan futbolchilar bilan tanishing:
Darvozabonlar: Fernando Muslera (“Galatasaroy”, Turkiya), Martin Silva (“Vasko da Gama”, Braziliya), Martin Kampanya (“Independyente”, Argentina).
Himoyachilar: Diyego Godin (“Atletiko”, Ispaniya), Xose Mariya Ximenes (“Atletiko”, Ispaniya), Sebastyan Koates (“Sporting”, Portugaliya), Maurisio Viktorino (“Nasyonal”, Urugvay), Xorxe Fusile (“Nasyonal”, Urugvay), Maksi Pereyra (“Portu”, Portugaliya), Alvaro Pereyra ( “Xetafe”, Ispaniya).
Yarim himoyachilar: Arevalo Rios (“Atlas”, Meksika), Alvaro Gonsales (“Atlas”, Meksika), Matias Koruxo (“Universidad de Chili”, Chili), Matias Vesino (“Fiorentina”, Italiya), Kristian Rodriges (“Independyente”, Argentina), Karlos Sanches (“Monterrey”, Meksika), Nikolas Lodeyro (“Boka Xuniors”, Argentina), Gaston Ramires (“Middlsbro”, Angliya)
Hujumchilar: Luis Suares (“Barselona”, Ispaniya), Edinson Kavani (“PSJ”, Fransiya), Diyego Rolan (“Bordo”, Fransiya), Kristian Stuani (“Middlsbro”, Angliya), Abel Ernandes (“Xall Siti”, Angliya).
Luis Suares 2014-yili Braziliyada bo‘lib o‘tgan Jahon chempionatining Italiya termasiga qarshi o‘yinida Jorjo Kyellinini tishlagani uchun 9 o‘yinga diskvalifikatsiya qilingandi. U diskvalifikatsiyasi muddati tugagach, joriy yilning 25-mart kuni Braziliya qarshi (2:2) Janubiy Amerika qit’asidan JCh–2018 turniriga saralashning 5-turida termaga chaqirilgan va jamoa safida maydonga tushib, gol kiritgan edi.
Izoh (0)