Уругвай терма жамоаси бош мураббийи Оскар Табарес жорий йилнинг 3–26 июнь кунлари АҚШда ўтказиладиган Америка Кубоги–2016 мусобақаси учун миллий терманинг 23 нафар футболчидан иборат якуний рўйхатини эълон қилди, деб хабар бермоқда «Stadion.uz».
«Барселона» ҳужумчиси, Ла Лиганинг 2015/16 йилги мавсумининг энг яхши тўпурари бўлган Луис Суарес Уругвай терма жамоасининг якуний таркибига киритилди.
Қуйида Америка Кубоги–2016 мусобақаси учун Уругвайнинг якуний таркибидан жой олган футболчилар билан танишинг:
Дарвозабонлар: Фернандо Муслера («Галатасарой», Туркия), Мартин Сильва («Васко да Гама», Бразилия), Мартин Кампанья («Индепендьенте», Аргентина).
Ҳимоячилар: Диего Годин («Атлетико», Испания), Хосе Мария Хименес («Атлетико», Испания), Себастьян Коатес («Спортинг», Португалия), Маурисио Викторино («Насьональ», Уругвай), Хорхе Фусиле («Насьональ», Уругвай), Макси Перейра («Порту», Португалия), Альваро Перейра ( «Хетафе», Испания).
Ярим ҳимоячилар: Аревало Риос («Атлас», Мексика), Альваро Гонсалес («Атлас», Мексика), Матиас Корухо («Универсидад де Чили», Чили), Матиас Весино («Фиорентина», Италия), Кристиан Родригес («Индепендьенте», Аргентина), Карлос Санчес («Монтеррей», Мексика), Николас Лодейро («Бока Хуниорс», Аргентина), Гастон Рамирес («Миддлсбро», Англия)
Ҳужумчилар: Луис Суарес («Барселона», Испания), Эдинсон Кавани («ПСЖ», Франция), Диего Ролан («Бордо», Франция), Кристиан Стуани («Миддлсбро», Англия), Абель Эрнандес («Халл Сити», Англия).
Луис Суарес 2014 йили Бразилияда бўлиб ўтган Жаҳон чемпионатининг Италия термасига қарши ўйинида Жоржо Келлинини тишлагани учун 9 ўйинга дисквалификация қилинганди. У дисквалификацияси муддати тугагач, жорий йилнинг 25 март куни Бразилия қарши (2:2) Жанубий Америка қитъасидан ЖЧ–2018 турнирига саралашнинг 5-турида термага чақирилган ва жамоа сафида майдонга тушиб, гол киритган эди.
Изоҳ (0)