Rim papasi Fransiskning Argentina poytaxti yaqinida yashovchi jiyani Xose Ignasio Bergolo noma’lum kimsalar tomonidan talab ketildi. Bu haqda 14-may, shanba kuni politsiya vakillari ma’lum qildi, deb xabar beradi TASS.
Ularga ko‘ra, ikki nafar jinoyatchi Bergoloning avtomobilini to‘xtatib, qurol o‘qtalgan va kimsasiz joygacha borishga majbur etgan. So‘ng pullar, telefon, kurtka va yukxonadagi kiyimlarni olib, g‘oyib bo‘lgan. Hozirda politsiya hujum qilganlarni qidirish bilan band. San-Fernando shahri prokurori Oskar Nunyes Garretoning bildirishicha, “Noqonuniy ozodlikdan mahrum etish va talonchilik” moddasi bo‘yicha jinoiy ish ochilgan.
Argentina OAV ma’lumotlariga ko‘ra, Mariya Yelena Bergoloning (u papaga singil bo‘ladi) o‘g‘li o‘tgan yil iyunida ham shunday hodisaga duch kelgan edi. O‘shanda jinoyatchilar uning uyiga o‘g‘rilikka tushgan, biroq Xose Ignasio xonalardan biriga yashirinib olib, politsiyani chaqirishga muvaffaq bo‘lgandi.
Izoh (0)