Hindistonda keyingi uch hafta mobaynida 500 dan ortiq kishi jazirama qurboni bo‘ldi. Ichimlik suvi yetishmasligidan 330 million kishi istiqomat qiladigan 256 okrug aholisi aziyat chekmoqda. Bu haqda tabiiy ofatlar oqibatlarini bartaraf etish davlat departamenti ma’lum qildi, deb xabar beradi “TASS”.
Oldinroq jazirama tufayli 300 dan oshiq kishi o‘lgani bildirilgandi.
Eng og‘ir holatlar janubiy shtatlarda kuzatilmoqda. Jumladan, havo harorati 48 darajaga ko‘tarilgan Odishyada 198, qo‘shni Telanganada 260, Andxra-Pradeshda 70 dan oshiq kishi haddan ziyod yuqori harorat tufayli halok bo‘ldi.
“Joriy yildagi yoz oxirgi 100 yil mobaynidagi eng jaziramalisi bo‘ladi. Janubda esa harorat 48 darajadan oshiq bo‘lishi mumkin”, — deb ogohlantirdi Hindiston metereologiya xizmati.
Izoh (0)