Рим папаси Францискнинг Аргентина пойтахти яқинида яшовчи жияни Хосе Игнасио Берголо номаълум кимсалар томонидан талаб кетилди. Бу ҳақда 14 май, шанба куни полиция вакиллари маълум қилди, деб хабар беради ТАСС.
Уларга кўра, икки нафар жиноятчи Берголонинг автомобилини тўхтатиб, қурол ўқталган ва кимсасиз жойгача боришга мажбур этган. Сўнг пуллар, телефон, куртка ва юкхонадаги кийимларни олиб, ғойиб бўлган. Ҳозирда полиция ҳужум қилганларни қидириш билан банд. Сан-Фернандо шаҳри прокурори Оскар Нуньес Гарретонинг билдиришича, «Ноқонуний озодликдан маҳрум этиш ва талончилик» моддаси бўйича жиноий иш очилган.
Аргентина ОАВ маълумотларига кўра, Мария Елена Берголонинг (у папага сингил бўлади) ўғли ўтган йил июнида ҳам шундай ҳодисага дуч келган эди. Ўшанда жиноятчилар унинг уйига ўғриликка тушган, бироқ Хосе Игнасио хоналардан бирига яшириниб олиб, полицияни чақиришга муваффақ бўлганди.
Изоҳ (0)