Manchesterdagi “Old Trafford” stadionida sapyorlar tomonidan nazorat qilingan portlash amalga oshirildi. Bu haqda “Interfaks” xabar bermoqda.
Bugun, 15-may kuni “Manchester Yunayted” va “Bornmut” o‘rtasida bo‘lib o‘tishi kutilgan uchrashuv arafasida stadionda shubhali paket tashlab ketilgani ma’lum bo‘ldi. Buning natijasida stadionda to‘plangan tomoshabinlar evakuatsiya qilindi.
Bir muddatdan so‘ng o‘yin politsiya tavsiyaga ko‘ra bekor qilingani aytildi. Uchrashuv qachon o‘tkazilishi yaqinda aniqlashtiriladi.
Shubhali buyumdan qutulish maqsadida nazoratli portlash amalga oshirilgani aytilmoqda.
Izoh (0)