“Atletiko” La Ligada mavsumni 3-o‘rinda, “Atletik” esa 5-o‘rinda yakunladi

• “Barselona” Ispaniya chempionligini qo‘lga kiritdi, “Real Madrid” kumush bilan cheklandi

Kelasi mavsumni xalqaro maydonda o‘tkazadigan Ispaniya La Ligasi klublari milliy chempionatdagi so‘nggi o‘yinlarda maydonga tushdi.

• Zinedin Zidan: “Barselona” chempionlik uchun haqli edi

Bir tur avval autsayder “Levante”ga imkoniyatni boy berib, chempionlik poygasidan chiqib ketgan Madridning “Atletiko” klubi so‘nggi turda 3 ochkoni qo‘lga kiritdi. Madridliklarning hujumdagi tandemi hisoblangan Fernando Torres va Antuan Grizmann tomonidan kiritilgan gollar, “Atletiko”ga “Selta” ustidan g‘alaba tortiq qildi.

• Chempionlar Ligasi finalida Madridning “Real” va “Atletiko” klublari o‘ynaydigan bo‘ldi

Vigo klubining bu mag‘lubiyatidan foydalangan Bilbaoning “Atletik” klubi turning markaziy o‘yinida “Sevilya”ni mag‘lub etib, mavsumni 5-o‘rinda yakunladi.

Kelasi mavsum Yevropa Chempionlar Ligasida “Barselona”, “Real”, “Atletiko” va “Vilyarreal” klublari ishtirok etadi. Yevropa Ligasida esa “Atletik”, “Selta” hamda “Sevilya” jamoalari qatnashadi.

Qayd etish kerak, oldinda “Sevilya”ni ikkita final bellashuvi kutib turibdi. Jamoa 18-may kuni Yevropa Ligasining hal qiluvchi o‘yinida Angliyaning “Liverpul” klubi bilan bellashadi. Mazkur o‘yindagi g‘alaba Unai Emeri jamoasiga Yevropa Ligasidagi ketma-ket uchinchi chempionlikdan tashqari, Chempionlar Ligasi musobaqasiga yo‘llanma ham beradi.

• “Liverpul” va “Sevilya” klublari Yevropa Ligasining finaliga yo‘llanma oldi

22-may kuni esa “Sevilya” Ispaniya Kubogining finalida “Barselona”ga qarshi saf tortadi.

• Luis Suares bitta mavsumda 40 ta gol urgan La Liganing uchinchi futbolchisiga aylandi

Ispaniya La Ligasi 38-tur bellashuvlari 14-may, shanba

“Atletik” — “Sevilya” 3:1

Gollar: Arits Aduris, 11 (1:0). Arits Aduras, 31 (2:0). Xuan Munyos, 55 (2:1). Raul Garsiya, 71 (3:1).Chetlatishlar: Koke, 34 (S). Timote Kolozeychak, 58 (S).

“Atletiko” — “Selta” 2:0

Gollar: Fernando Torres, 51 (1:0). Antuan Grizmann, 54 (2:0).