«Атлетико» Ла Лигада мавсумни 3-ўринда, «Атлетик» эса 5-ўринда якунлади

• «Барселона» Испания чемпионлигини қўлга киритди, «Реал Мадрид» кумуш билан чекланди

Келаси мавсумни халқаро майдонда ўтказадиган Испания Ла Лигаси клублари миллий чемпионатдаги сўнгги ўйинларда майдонга тушди.

• Зинедин Зидан: «Барселона» чемпионлик учун ҳақли эди

Бир тур аввал аутсайдер «Леванте»га имкониятни бой бериб, чемпионлик пойгасидан чиқиб кетган Мадриднинг «Атлетико» клуби сўнгги турда 3 очкони қўлга киритди. Мадридликларнинг ҳужумдаги тандеми ҳисобланган Фернандо Торрес ва Антуан Гризманн томонидан киритилган голлар, «Атлетико»га «Сельта» устидан ғалаба тортиқ қилди.

• Чемпионлар Лигаси финалида Мадриднинг «Реал» ва «Атлетико» клублари ўйнайдиган бўлди

Виго клубининг бу мағлубиятидан фойдаланган Билбаонинг «Атлетик» клуби турнинг марказий ўйинида «Севилья»ни мағлуб этиб, мавсумни 5-ўринда якунлади.

Келаси мавсум Европа Чемпионлар Лигасида «Барселона», «Реал», «Атлетико» ва «Вильярреал» клублари иштирок этади. Европа Лигасида эса «Атлетик», «Сельта» ҳамда «Севилья» жамоалари қатнашади.

Қайд этиш керак, олдинда «Севилья»ни иккита финал беллашуви кутиб турибди. Жамоа 18 май куни Европа Лигасининг ҳал қилувчи ўйинида Англиянинг «Ливерпуль» клуби билан беллашади. Мазкур ўйиндаги ғалаба Унаи Эмери жамоасига Европа Лигасидаги кетма-кет учинчи чемпионликдан ташқари, Чемпионлар Лигаси мусобақасига йўлланма ҳам беради.

• «Ливерпуль» ва «Севилья» клублари Европа Лигасининг финалига йўлланма олди

22 май куни эса «Севилья» Испания Кубогининг финалида «Барселона»га қарши саф тортади.

• Луис Суарес битта мавсумда 40 та гол урган Ла Лиганинг учинчи футболчисига айланди

Испания Ла Лигаси 38-тур беллашувлари 14 май, шанба

«Атлетик» — «Севилья» 3:1

Голлар: Ариц Адурис, 11 (1:0). Ариц Адурас, 31 (2:0). Хуан Муньос, 55 (2:1). Рауль Гарсия, 71 (3:1).Четлатишлар: Коке, 34 (С). Тимоте Колозейчак, 58 (С).

«Атлетико» — «Сельта» 2:0

Голлар: Фернандо Торрес, 51 (1:0). Антуан Гризманн, 54 (2:0).