Oliy Liga. “Qizilqum” “Paxtakor”dan o‘zib ketdi, “Navbahor” va “Bunyodkor yirik g‘alabaga erishdi

Toshkent derbisi bilan start olgan futbol bo‘yicha O‘zbekiston Oliy Ligasining 9-turi doirasida yana 6ta bellashuv o‘z yakuniga yetdi.

• Toshkent derbisida “Paxtakor” peshqadam “Lokomotiv”dan mag‘lub bo‘ldi

14-may kunidagi o‘yinlar orasida markaziysi hisoblangan “Bunyodkor” — “Buxoro” to‘qnashuvida mezbonlar yirik g‘alabaga erishdi. Buxoroliklar bunga qadar faqatgina “Nasaf”ga imkoniyatni boy bergandi.

Mazkur g‘alabasidan keyin “Bunyodkor” ochkolari sonini 25 taga yetkazib, peshqadam “Lokomotiv” bilan tenglashib oldi. Ortda qolgan to‘qqiz tur yakuniga ko‘ra “Lokomotiv” eng ko‘p — 23 ta gol urgan jamoa bo‘lib turibdi. “Bunyodkor” esa eng kam — 2 ta gol o‘tkazib yuborgan.

Namanganda kechgan vodiy derbisida Qo‘qon shahri jamoasi hisobni ochishiga qaramay, yakunda yirik mag‘lubiyat qabul qilib oldi. Bellashuvda “Navbahor”ning ukrainalik legioneri Oleksandr Pishur xet-trik qayd etdi.

Liga debyutanti hisoblangan Toshkentning “Obod” klubi 9-turga kelib ham birorta o‘yinda zafar quchmadi. Hisobida bor yo‘g‘i 2 ta durang bo‘lgan jamoa, so‘nggi o‘rindan joy olgan.

Mazkur turdagi g‘alabasi evaziga Navoiyning “Qizilqum” klubi turnir jadvalida 17 ochko bilan 4-o‘ringa ko‘tarilib oldi. “Paxtakor” 15 ochko bilan 6-pog‘onada borayotgan bo‘lsa, “Qizilqum”dan 1 ta kam o‘yinda ishtirok etgan “Metallurg” hisobida 16 ochko jamg‘arilgan.

9-turning so‘nggi o‘yini 16-may kuni Bekobod shahrida — “Metallurg” va “Nasaf” klublari o‘rtasida bo‘lib o‘tadi. Qarshiliklar 22 ochko bilan turnir jadvalida uchinchi bo‘lib turibdi.

• “Paxtakor” murabbiyi Ravshan Ermatovni “Lokomotiv”ga yon bosganlikda aybladi (video)

O‘zbekiston Oliy Ligasi 9-tur bellashuvlari 14-may, shanba

“Neftchi” — “Obod” 1:0

Gol: Shukurali Po‘latov, 64-pen (1:0).Noaniq penaltilar: Sherzod Hakimov, 58 (N). Pavel Solomin, 67 (O).

“Navbahor” — “Qo‘qon—1912” 5:1

Gollar: Mirjalol Qurbonov, 5 (0:1). Igor Golban, 24 (1:1). Oleksandr Pishur, 33 (2:1). Dilshod Jabborov, 39 (2:1). Oleksandr Pishur, 71 (4:1). Oleksandr Pishur, 78 (5:1).

“Mash’al” — “Sho‘rtan” 2:1

Gollar: Shahzod Shaymanov, 42 (1:0). Kenja To‘rayev, 86 (1:1). Zafar To‘rayev, 90 (2:1).Chetlatish: Umar Eshmurodov, 34 (Sh).

“So‘g‘diyona” — “Olmaliq” 1:0

Gol: Qahramon Bahodirov, 23 (1:0).

“Bunyodkor” — “Buxoro” 3:0

Gollar: Sato Minori, 52 (1:0). Eldor Shomurodov, 63 (2:0). Doston Hamdamov, 65 (3:0).

“Qizilqum” — “Andijon” 2:1

Gollar: Georgiy Kvesiyeshvili, 25-avt (0:1). Andrey Derkach, 27 (1:1). Bahriddin Vahobov, 33 (2:1).

16-may, dushanba“Metallurg” — “Nasaf”