2-mayning e’tiborga molik yangiliklari — “Daryo”ning kechki dayjestida.
1. Toshkent tramvayining 115 yillik tarixiga nuqta qo‘yildi. 2-may kuni Toshkentda harakatlanayotgan so‘nggi tramvay yo‘nalishi — “Beshqayrag‘och” dahasi va Ippodrom o‘rtasida qatnovchi 17-yo‘nalish yopildi.
2. 2020-yilda yangilanadigan AQSh banknotlarida ayollar siymolari paydo bo‘ladi. 2020-yilda ayollarga teng saylov huquqini kafolatlagan mamlakat konstitutsiyasiga 19-qo‘shimcha kuchga kirganiga 100 yil to‘ladi, shu bois kupyuralarda ayollarga keng o‘rin berilgan.
3. KXDRda to‘y va dafn marosimlarini o‘tkazish taqiqlandi. Bu ko‘rsatma Koreya Mehnat partiyasi syezdi oldidan xavfsizlikni kuchaytirish doirasida berildi.
4. Andijonlik talabalar elektromobil ishlab chiqdi. “Qaldirg‘och” deb nomlangan avtomobil Andijon mashinasozlik instituti talabalari tomonidan ishlab chiqilgan.
5. Foto: O‘z onalari familiyasi ostida maydonga tushgan “Valensiya” futbolchilari. Shu yo‘l orqali “Valensiya” ayollarning futboldagi va jamiyatdagi roli, shuningdek, millionlab ayollarning har kungi xatti-harakati va qurbonliklarini tan oldi.
Izoh (0)