O‘zbekiston Sog‘liqni saqlash vazirligi 1003 raqamli yagona ishonch telefonini ishga tushirdi. Bu haqda, vazirlik matbuot xizmatiga asoslanib, “Gazeta.uz” xabar bermoqda.
Kecha-kunduz ishlaydigan telefon raqami orqali axborot olish hamda sog‘liqni saqlash muassasalari xodimlarining qonunga zid harakatlari haqida xabar berish mumkin.
Ishonch telefoni orqali maslahatlar fuqaroning ismi va otasining ismi bosh harflari hamda familiyasi ma’lum qilinganidan so‘ng beriladi.
Amalga oshirilgan yoki amalga oshirishga tayyorlanayotgan huquqbuzarlik belgilari mavjud bo‘lgan egasi noma’lum (anonim) axborot huquqni muhofaza qilish idoralariga topshirilishi mumkin.
Bungacha 1003 telefon raqami Toshkentdagi Doctor Service klinikasiga tegishli edi. Endi mazkur klinika dispetcherlik xizmati bilan 1072 telefon raqami orqali bog‘lanish mumkin.
Izoh (0)