O‘zbekistonning ayrim hududlarida 3 may, seshanba kuni yog‘ingarchilik kuzatiladi, momaqaldiroq bo‘lishi mumkin. Bu haqda “O‘zgidromet” markazi xabar bermoqda.
3-mayga o‘tar kechasi O‘zbekistonning tog‘li hududlarida havo harorati +5...+10 daraja, Toshkent shahrida +12...+14 daraja iliq bo‘ladi. Mamlakatning qolgan hududlarida kechasi havo harorati +10 darajadan +20 darajagacha o‘zgarib turadi.
3-may kuni kunduzi O‘zbekistonning tog‘li hududlari, Qoraqalpog‘iston Respublikasi va Xorazm viloyatida havo harorati +15...+20 daraja, Toshkent shahrida +23...+25 daraja iliq bo‘lishi kutilmoqda. Qolgan hududlarda havo harorati +25...+30 darajagacha ko‘tariladi.
Seshanba kuni O‘zbekistonning tog‘li hududlarida, Qoraqalpog‘iston Respublikasi, Xorazm, Andijon, Namangan va Farg‘ona viloyatlarida yomg‘ir yog‘ishi, momaqaldiroq bo‘lishi, shamolning tezligi soniyasiga 15—20 metrgacha kuchayishi mumkin.
Izoh (0)