Facebook’dagi “Voditeli Tashkenta” guruhida qoidabuzar avtobuslarning suratlari e’lon qilindi. Suratlar qachon, Toshkentning qayerida olinganiga aniqlik kiritilmagan.
Foydalanuvchilar tomonidan e’lon qilingan birinchi suratda yo‘nalish raqami 93, davlat raqam belgisi 01 789 XCA bo‘lgan Mercedes-Benz Conecto Low Floor avtobusi ikki qator sidirg‘a chiziqni bosib, yo‘lning qarama-qarshi qatnov qismiga chiqqanini ko‘rish mumkin.
Ikkinchi suratda esa yo‘nalish raqami 91, davlat raqam belgisi 01 606 TCA bo‘lgan Mercedes-Benz Conecto Low Floor avtobusi ham ikki qator sidirg‘a chiziqni bosib, qarama-qarshi qatnov qismiga chiqib turganini tasvirlangan.
“Voditeli Tashkenta” a’zolari avtobus haydovchilarining ko‘plab yo‘lovchilarning hayotini xavf ostiga qo‘yib, Yo‘l harakati qoidalarini qo‘pol ravishda buzishini tanqid ostiga olgan. Foydalanuvchilarning birining ta’kidlashicha, “avtobus haydovchilari — eng bezbet qoidabuzarlardir”.
Ma’lumot uchun, Ma’muriy javobgarlik to‘g‘risidagi kodeksning 128-5-moddasi 2-qismiga ko‘ra, transport vositalari haydovchilarining yo‘lning qarama-qarshi harakatlanish uchun mo‘ljallangan tomoniga yoki bo‘lagiga yo‘l harakati qoidalarini buzgan holda chiqishi eng kam ish haqining 10 baravari (26-aprel holatiga ko‘ra — 1 302 400 so‘m) miqdorida jarimaga sabab bo‘ladi.
Izoh (0)