AQShda bir joyda gibrid avtomobillarining eng ko‘p to‘planishi bo‘yicha Ginnes rekordi o‘rnatildi. Kaliforniyaning Alameda harbiy-dengiz bazasi hududiga 332 ta Toyota Prius xetchbeki tizildi. Bu haqda Motor xabar bermoqda.
Kaliforniya “gibridlarning eng katta namoyishi” o‘tkaziladigan manzil sifatida mazkur shtatda AQShdagi barcha Toyota Prius egalarining 40 foizi istiqomat qilishi tufayli tanlandi. Rekord o‘rnatilishida eski va o‘tgan yil sentabrida paydo bo‘lgan yangi avlod Prius avtomobillari egalari ishtirok etdi.
Ma’lumot uchun, o‘tgan yil may oyida Germaniyada bir yerga yig‘ilgan elektromobillarning soni bo‘yicha rekord o‘rnatilgan, tadbirga Nissan Leaf, Tesla Model S, Renault Zoe va BMW i3 kabi 577 ta mashina keltirilgandi.
Izoh (0)