Google ma’lumotlariga ko‘ra, Chrome brauzeri mobil versiyasi foydalanuvchilari soni oyiga bir milliard kishidan oshdi. Bu haqda TJournal xabar bermoqda.
Mobil Chrome o‘tgan besh oy mobaynida o‘zining oylik auditoriyasini 200 million kishiga ko‘paytirgan. Kompaniya foydalanuvchilardan qanchasi Android, qanchasi iOS orqali kirganini oshkor qilmagan.
Mobil Chrome orqali har oyda 771 milliard sahifa yuklab olinadi, ulardan 3,6 milliardi boshqa tillarga avtomatik ravishda o‘giriladi. Trafikni ixchamlashtirish texnologiyasi tufayli 2000 terabayt iqtisod qilinmoqda, so‘rovlarning avtomatik ravishda to‘ldirilishi evaziga mijozlar ortiqcha 500 milliard belgidan foydalanib o‘tirmaydi.
Izoh (0)