O‘zbekistonda Sony kompaniyasining SmartBand (SWR10) fitnes-trekeri sotila boshladi, deb yozadi “Mobinfo.uz”. Sony’ning “aqlli” brasletidagi asosiy o‘ziga xoslik Core ko‘chma modelidan iborat, u pulsni o‘lchash, kaloriyalarni, bosilgan qadamlarni hisoblash, uyqu siklini nazorat qilishga qodir bo‘lgan yuqori texnologiyali datchiklarni o‘z ichiga oladi.
SmartBand’ning smartfonlar bilan sinxronlashuvi Bluetooth orqali amalga oshadi. Shuningdek, foydalanuvchi Sony Entertainment Network’da akkauntga ega bo‘lishi kerak. Qo‘ng‘iroq bo‘lganida yoki SMS va ijtimoiy tarmoqlardan bildirishnomalar kelganida, bilaguzuk vibratsiyali signal beradi.
Bundan tashqari, qurilma o‘z xotirasiga ega, ammo u asosan datchiklardan olingan ma’lumotlar saqlanishi uchun mo‘ljallangan. Qurilmadagi barcha ma’lumotlar Android boshqaruvidagi smartfonga ko‘chiriladi, shundan so‘ng Lifelog dasturi foydalanuvchining jismoniy faolligi haqidagi axborotni solishtiradi.
Poytaxt bozorida SmartBand fitnes-trekeri 448 ming so‘mga taklif qilinmoqda.
Ushbu qurilmani ko‘rsatilgan narxda sotib olishga “Daryo” nashri kafolat bermaydi. Qurilma va uning narxi haqidagi axborot faqat tanishish uchun taqdim etilgan.
Izoh (0)