Zambiya milliy valyutasi — kvacha joriy yilda o‘sish sur’ati bo‘yicha 150 ta boshqa valyutani, shuningdek, oltin, kumush va boshqa qimmatbaho metallarni ortda qoldirdi, deb yozadi “Interfaks” Bloomberg agentligiga tayanib.
2015-yilda u dunyodagi eng yomon natijalardan birini namoyon qilib, 42 foizga tushib ketgan bo‘lsa, 2016-yil boshidan buyon AQSh dollari bilan bir qatorda 19,9 foizga qimmatlashdi, oltin narxi esa 16,3 foizga o‘sdi.
ETM Analytics rangli metallar narxi tiklana borgan sari, Zambiya valyutasi yanada mustahkamlanishini prognoz qilmoqda, chunki mamlakat Afrikada mis ishlab chiqarish hajmi bo‘yicha ikkinchi o‘rinni egallaydi. Zambiyaning tashqi savdodan oladigan daromadining 70 foizi mis eksportiga to‘g‘ri keladi.
Nashr ta’kidlashicha, 2015-yilda kvacha kursi energetika inqirozi, mis narxi tushib ketishi va byudjetning kuchli taqchilligi tufayli keskin pastlagan edi.
Izoh (0)