Tojikistonda 16-noyabr Prezident kuni sifatida nishonlanadigan bo‘ldi. 15-aprel, juma kuni “Bayram kunlari haqida”gi qonunga tuzatishlar kiritgan mamlakat parlamentining quyi palatasi shunday qaror qabul qildi, deya xabar beradi “TASS”.
“1994-yil 6-noyabrda bo‘lib o‘tgan prezidentlik saylovlarida davlat rahbari etib saylangan Emomali Rahmon 16-noyabrda qasamyod qabul qildi. Mazkur tarixiy sanaga ehtirom ramzi tarzida mamlakatda har yili 16-noyabr Tojikiston prezidenti kuni sifatida nishonlanadi”, — deya ma’lum qilgan quyi palata raisi Shukurjon Zuhurov.
Tojikistonda 79 bayram kuni bo‘lib, ulardan 10 kuni dam olish kuni hisoblanadi. Prezident kuni ish kuni sanaladi.