Замбия миллий валютаси — квача жорий йилда ўсиш суръати бўйича 150 та бошқа валютани, шунингдек, олтин, кумуш ва бошқа қимматбаҳо металларни ортда қолдирди, деб ёзади «Интерфакс» Bloomberg агентлигига таяниб.
2015 йилда у дунёдаги энг ёмон натижалардан бирини намоён қилиб, 42 фоизга тушиб кетган бўлса, 2016 йил бошидан буён АҚШ доллари билан бир қаторда 19,9 фоизга қимматлашди, олтин нархи эса 16,3 фоизга ўсди.
ETМ Аnalytics рангли металлар нархи тиклана борган сари, Замбия валютаси янада мустаҳкамланишини прогноз қилмоқда, чунки мамлакат Африкада мис ишлаб чиқариш ҳажми бўйича иккинчи ўринни эгаллайди. Замбиянинг ташқи савдодан оладиган даромадининг 70 фоизи мис экспортига тўғри келади.
Нашр таъкидлашича, 2015 йилда квача курси энергетика инқирози, мис нархи тушиб кетиши ва бюджетнинг кучли тақчиллиги туфайли кескин пастлаган эди.
Изоҳ (0)