Rossiyaning “Komsomolskaya Pravda” gazetasi bosh muharriri Vladimir Sungorkin “KP” radiosi bosh muharriri Yevgeniy Arsyuxinning maqolasi uchun uzr so‘rashdan bosh tortdi, deb yozadi Meduza. Unda nogironlar “nuqsonli shaxslar” ekanligi va ular “nasl qoldirmasdan, darhol o‘lishi kerak”ligi haqidagi so‘zlar bor edi.
Maqola qo‘l va oyoqsiz tug‘ilgan avstraliyalik jamoatchilik arbobi va yozuvchi Nik Vuychichning Rossiyaga tashrifi munosabati bilan yozilgan edi.
Sungorkin maqolani “haqiqatan murakkab” deb atadi, biroq uning muallifini professional deya e’tirof etdi. Bundan tashqari, “KP” bosh muharriri “so‘z erkinligi”ni ro‘kach qildi. Sungorkinning so‘zlariga ko‘ra, Arsyuxin mushtariylarni gij-gijlamoqchi bo‘lgan.
Muallif maqola chop etilgach, ertasi kuni uni izohlashga qaror qildi. U mushtariylarni fashistik mafkuraga ega emasligiga ishontirmoqchi bo‘ldi. “Men imkoniyati cheklangan kishilarni ‘jamiyatdan chetlashib qolgan’, ‘noraso’ va hokazo deb hisoblamayman”, — deb yozdi Arsyuxin. U hech kimni qoralamayotganini aytib, mushtariylarni bag‘rikengroq bo‘lishga chaqirdi.
Izoh (0)