Buyuk Britaniya tashqi ishlar vazirligida xizmat qilishi uchun mushuk yollandi. Palmerston deya laqab qo‘yilgan jonivorga vazirlik binosidagi sichqonlarni ovlash vazifasi qo‘yildi, deb xabar beradi Meduza.
Palmerston (Genri Palmerston Buyuk Britaniyaning sobiq bosh vazirlaridan biri bo‘lgan) rasmiylar anchadan beri hamkorlik qiladigan “Battersi” nomli uysiz jonivorlar boshpanasidan keltirildi. Mushuk ko‘chada och va holdan toygan bir ahvolda topilgandi.
Bungacha “Battersi”dan hukumat qarorgohida ishlashi uchun Larri laqabli mushuk olingan, biroq u oradan bir yil o‘tgach, shuncha vaqt mobaynida atigi bitta sichqonni tutgani, dangasaligi va mizg‘ishni yoqtirgani uchun vazifasidan chetlatilgandi.
Izoh (0)