Буюк Британия ташқи ишлар вазирлигида хизмат қилиши учун мушук ёлланди. Пальмерстон дея лақаб қўйилган жониворга вазирлик биносидаги сичқонларни овлаш вазифаси қўйилди, деб хабар беради Meduza.
Пальмерстон (Генри Пальмерстон Буюк Британиянинг собиқ бош вазирларидан бири бўлган) расмийлар анчадан бери ҳамкорлик қиладиган «Баттерси» номли уйсиз жониворлар бошпанасидан келтирилди. Мушук кўчада оч ва ҳолдан тойган бир аҳволда топилганди.
Бунгача «Баттерси»дан ҳукумат қароргоҳида ишлаши учун Ларри лақабли мушук олинган, бироқ у орадан бир йил ўтгач, шунча вақт мобайнида атиги битта сичқонни тутгани, дангасалиги ва мизғишни ёқтиргани учун вазифасидан четлатилганди.
Изоҳ (0)