Leonardo da Vinchi (1452—1519) hayoti va ijodining italiyalik tadqiqotchilari jamoatchilikka Uyg‘onish davri dahosi urug‘ining avlodlarini tanishtirmoqchi, deb yozadi “TASS”. Loyiha g‘oyasi rassom va mutafakkirning ona shahri — Vinchidagi Leonardoning Mukammal muzeyi direktori Alessandro Vetssozi va uning tarixchi hamkasbi Anyez Sabatoga tegishli.
Hozircha ko‘p yillik ish natijalari oshkor etilmayapti, olimlar 14-aprelga matbuot anjumani belgilab, u yerda o‘zlarini Leonardo urug‘ining davomchilari deb hisoblay oladigan kishilar bilan tanishtirishga va’da bermoqda.
Vetssozi nashrga ma’lum qilishicha, dastlab, Vinchining oilasi, qarindoshlari va bolaligi haqida ko‘proq ma’lumot to‘plashga to‘g‘ri kelgan, chunki bu haqdagi ishonchli axborot juda kam hajmda saqlangan. Olimlar Leonardoning otasi ajdodlarining qabrlarini qidirishdan boshlagan. “Oxir-oqibat, biz XIV asrdan bizning kunlargacha bo‘lgan misli ko‘rilmagan tarixni qayta tiklashga muvaffaq bo‘ldik”, — dedi u.
Izoh (0)