Леонардо да Винчи (1452—1519) ҳаёти ва ижодининг италиялик тадқиқотчилари жамоатчиликка Уйғониш даври даҳоси уруғининг авлодларини таништирмоқчи, деб ёзади «ТАСС». Лойиҳа ғояси рассом ва мутафаккирнинг она шаҳри — Винчидаги Леонардонинг Мукаммал музейи директори Алессандро Веццози ва унинг тарихчи ҳамкасби Аньез Сабатога тегишли.
Ҳозирча кўп йиллик иш натижалари ошкор этилмаяпти, олимлар 14 апрелга матбуот анжумани белгилаб, у ерда ўзларини Леонардо уруғининг давомчилари деб ҳисоблай оладиган кишилар билан таништиришга ваъда бермоқда.
Веццози нашрга маълум қилишича, дастлаб, Винчининг оиласи, қариндошлари ва болалиги ҳақида кўпроқ маълумот тўплашга тўғри келган, чунки бу ҳақдаги ишончли ахборот жуда кам ҳажмда сақланган. Олимлар Леонардонинг отаси аждодларининг қабрларини қидиришдан бошлаган. «Охир-оқибат, биз XIV асрдан бизнинг кунларгача бўлган мисли кўрилмаган тарихни қайта тиклашга муваффақ бўлдик», — деди у.
Изоҳ (0)